Znajomy scenar
Padčas śviatkavańnia ŭ Kišyniovie Dnia horada prahrymieŭ vybuch — paciarpieli 36 čałaviek.
Padčas śviatkavańnia 14 kastryčnika Dnia horada na centralnaj płoščy Kišyniova ŭzarvałasia bajavaja hranata. Paciarpieli 36 čałaviek. Zaviedziena kryminalnaja sprava.
Mahutny vybuch prahrymieŭ u sieradu ŭ stalicy Małdovy padčas śviatkavańnia Dnia horada.
U 22.05 pavodle miascovaha času pobač z Tryumfalnaj arkaj na płoščy Vialikaha Nacyjanalnaha Schodu ŭzarvałasia hranata RH‑42, jakaja znachodziłasia ŭ nievialikaj skryni.
Hranata ŭzarvałasia ŭ ludskim natoŭpie: akurat išoŭ śviatočny kancert, i płošča była zapoŭniena ludźmi.
Paciarpieli 36 čałaviek, achviar niama, ale stan piaci čałaviek aceńvajecca jak ciažki.
Ekśpierty zaznačajuć, što hranata spracavała nie ŭ poŭnuju siłu.
Pa fakcie vybuchu zaviedzienha kryminalnaja sprava. Palicyja nie vyklučaje, što heta terakt.
Adrazu na pamiać prychodzić minski vybuch, kali ŭ noč na 4 lipienia 2008 hoda padčas śviatkavańnia Dnia Niezaležnaści u našaj stalicy taksama spracavała vybuchovaje prystasavańnie. Tady ŭ miedycynskija ŭstanovy źviarnulisia 54 čałavieki, 47 byli špitalizavanyja.