Akademika-bijołaha Aleha Davydzienku i jaho žonku Natallu pačnuć sudzić u kancy śniežnia
71-hadovaha člena-karespandenta NAN Biełarusi, doktara bijałahičnych navuk Aleha Davydzienku i jaho žonku Natallu Akciabrskuju zatrymali ranicaj 2 listapada.
U zaležnaści ad roli kožnaha, ich vinavaciać pa dvuch kryminalnych artykułach: č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak) i art. 368 (abraza Łukašenki).
Ich spravu buduć razhladać 29 śniežnia ŭ sudzie Savieckaha rajona Minska. Praces budzie vieści sudździa Alena Žukovič, paviedamlaje «Viasna».
Davydzienka — aŭtar 300 navukovych prac, u tym liku 5 manahrafij, 1 padručnika, vyvieŭ 19 hatunkaŭ raślin. Jon daśledavaŭ hienom karennaha nasielnictva Biełarusi.
Padtrymajcie Aleha i Natallu hrašovymi pieravodami, pasyłkami i telehramami: SIZA-1, 220030, h. Minsk, vuł. Vaładarskaha, 2 (Aleh Hieorhijevič Davydzienka, Natalla Iosifaŭna Akciabrskaja)