Minčanki nie paładzili z-za źniknieńnia dvarovaha kata — adna ź ich atrymała sudzimaść
Fota ilustracyjnaje. Pixabay.com
Sud vynies prysud 56-hadovaj haradžancy, jakuju abvinavačvali ŭ naŭmysnym pryčynieńni mienš ciažkaha cialesnaha paškodžańnia, raspaviali «Minsk-Navinam» u prakuratury Pieršamajskaha rajona.
Žančyna pryjšła da znajomaj, kab vyśvietlić, kudy padzieŭsia adzin z dvarovych katoŭ, jakoha jana padkormlivała. Pamiž žančynami zdaryŭsia kanflikt.
Hościa pavaliła haspadyniu kvatery na kanapu i naniesła nie mienš za čatyry ŭdary rukoj pa tvary i ciele, a paśla schapiła sa stała harščok dla kvietak i źbirałasia ŭdaryć im pryjacielku pa hałavie, ale taja, na ščaście, zmahła prykryć jaje rukoj. Śviedkam kanfliktu stała maci paciarpiełaj, jakaja i vyklikała milicyju. Svaju vinu ŭ zroblenym hramadzianka pryznała častkova.
— Abvinavačanaja nidzie nie pracuje, raniej da kryminalnaj adkaznaści nie pryciahvałasia, — prakamientavała staršy pamočnik prakurora Pieršamajskaha rajona Marharyta Mikulonak, jakaja vystupała pa hetaj kryminalnaj spravie dziaržaŭnym abvinavaŭcam. — Sud pryznaŭ jaje vinavataj u naŭmysnym pryčynieńni mienš ciažkaha cialesnaha paškodžańnia i na padstavie č. 1 art. 149 KK Respubliki Biełaruś pryznačyŭ pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin 1 hod biez štrafu. Akramia taho, abvinavačanaja pavinna vypłacić na karyść paciarpiełaj 200 rubloŭ u košt kampiensacyi maralnaj škody, a taksama dziaržpošlinu ŭ pamiery 96 rubloŭ u dachod dziaržavy.