Litva acaniła straty praz admovu ad pieravałki biełaruskich hruzaŭ
Straty Kłajpiedskaha marskoha porta stali vynikam admovy ad pierahruzki ŭhnajeńniaŭ ź Biełarusi.
Fota: atviraklaipeda.lt
Pra heta ŭ efiry litoŭskaj radyjostancyi Žinių radijas raspavioŭ ministr kamunikacyj i transpartu Marus Skuodzis.
Pavodle jaho acenak, pieravałka hruzaŭ u Kłajpiedskim porcie za minuły hod skaraciłasia na 21%. Ministr padkreśliŭ, što samyja vialikija straty źviazanyja akurat ź mižnarodnymi sankcyjami, praź jakija Litva admoviłasia pierahružać biełaruskija ŭhnajeńni.
Jašče adnoj pryčynaj padzieńnia dachodaŭ dla Kłajpiedy staŭ rost cen na pryrodny haz i amanijak (amijak). Z-za hetaha pryjšłosia pastavić na paŭzu pracu zavoda pa vytvorčaści fosfarnych uhnajeńniaŭ Lifosa ŭ horadzie Kiadajniaj, što taksama adbiłasia na zahruzcy porta.