Niamieckija palityki prapanujuć abmierkavać pastaŭku tankaŭ Ukrainie
Ministr ekanomiki Hiermanii Robiert Chabiek zajaviŭ, što było b pravilna abmierkavać z sajuźnikami pytańnie pastaŭki tankaŭ Ukrainie i pa vynikach hetych abmierkavańniaŭ pryniać rašeńnie.
BMP «Mardar»
Raniej kiraŭnik abaronnaha kamiteta niamieckaha Bundestaha Mary-Ahnies Štrak-Cymierman u intervju haziecie Süddeutsche Zeitung zaklikała ŭrad pierahledzieć svaju pazicyju adnosna pastavak Ukrainie tankaŭ.
U jakaści prykładu Štrak-Cymierman ukazała na pastanovu Francyi adpravić va Ukrainu tanki AMX-10 RC, abstalavanyja harmataj kalibram 105 mm.
«Našy zachodnija partniory znoŭ pieršymi robiać krok, jakoha jany mahli čakać ad nas», — zajaviła kiraŭnik abaronnaha kamiteta Bundestaha.
Jana prapanavała pačać pastaŭki Kijevu bajavych mašyn piachoty «Mardar» i nieadkładna arhanizavać navučańnie ich ekspłuatacyi.
Mary-Ahnies Štrak-Cymierman adznačyła, što «Mardary» jość u dastatkovaj kolkaści na składach Bundeśviera, taksama jak i bojeprypasy da ich.
Ukrainskija ŭłady nieadnarazova vykazvali svaju niezadavolenaść niežadańniem krain Zachadu pastaŭlać ukrainskim Uzbrojenym siłam tanki, jakija źjaŭlajucca nastupalnym vidam uzbrajeńniaŭ.