Piać hadoŭ biez Čarkasavaj
20 kastryčnika spaŭniajecca 5 hadoŭ z dnia zabojstva niezaležnaj žurnalistki Vieraniki Čarkasavaj. Złačynstva dahetul nie rasśledavana.
Supracoŭnicu niedziaržaŭnaj hazety «Salidarnaść» Vieraniku Čarkasavu znajšli 20 kastryčnika 2004 hodu miortvaj u svajoj kvatery. Na ciele było bolej za 40 nažavych ranaŭ.
Siarod roznych viersijaŭ śledstva abrała adzinuju — bytavuju. Padazravanymi abjavili syna žurnalistki Antosia i jaje ajčyma Ŭładzimiera Mialešku, jakija, pavodle śledstva, zachodzili ŭ dzień zabojstva da Vieraniki. Ale tyja svajoj viny nie pryznali.
Ciapier padazreńni z Antosia i Ŭładzimiera Mialeški aficyjna źniatyja.
Antoś praz peŭny čas adjechaŭ ź Miensku ŭ Maskvu da baćki.