U Minsk pryjedzie Huus Chidynk
Z 24 pa 28 kastryčnika ŭ Minsku projdzie jubilejny XXX mižnarodny simpozium trenieraŭ.
Jak paviedamlaje pres‑słužba BFF, z 24 pa 28 kastryčnika ŭ Minsku projdzie jubilejny XXX mižnarodny simpozium trenieraŭ.
U Biełaruś pa zaprašeńni Jeŭrapiejskaj asacyjacyi futbolnych trenieraŭ (AEFCA) pryjeduć kala 150 śpiecyjalistaŭ. Płanujecca, što biełaruskuju stalicu naviedajuć pradstaŭniki Jeŭropy, Afryki, Azii, Paŭnočnaj i Paŭdniovaj Amieryki, Aŭstralii.
Udzielniki sieminara ŭžo paćvierdzili takija viadomyja treniery,
jak Žerar Ulje (Francyja), Endy Roksburh (Šatłandyja), Huus Chidynk (Hałandyja), Jozef Vienhłoš (Słavakija), Ježy Enhiel (Polšča), Stanimir Stojłaŭ (Bałharyja), Michaił Hierškovič (Rasija), Alaksandr Starkoŭ (Łatvija).
Ciaham sieminaru zapłanavana abmierkavańnie tendencyj raźvićcia suśvietnaha futboła, a taksama praviadzieńnie praktyčnych zaniatkaŭ u krytym maniežy. Dla ŭdziełu ŭ sieminary zaprošanyja treniery moładzievaj, junijorskaj, junackaj zbornych, kłubaŭ vyšejšaj i pieršaj lihaŭ našaj krainy.