Skončyŭ karjeru Haret Bejł
Kapitan zbornaj Uelsa i piacirazovy pieramožca Lihi čempijonaŭ u składzie madrydskaha «Reała» Haret Bejł zaviaršyŭ karjeru ŭ 33 hady. Pra heta futbalist napisaŭ u instahramie.
Bejł pravioŭ 111 matčaŭ za nacyjanalnuju kamandu Uelsa, u jakich zabiŭ 40 miačoŭ. Na praciahu karjery Bejł hulaŭ za anhlijskija «Saŭthiemptan» i «Totenchem», madrydski «Reał» i «Łos-Andželes».
«Mnie nievierahodna pašancavała, što ja ažyćciaviŭ svaju maru i zajmaŭsia lubimym vidam sportu», — adznačyŭ Bejł.