Ukrainskaja Hienprakuratura aryštavała 170 vahonaŭ ź biełaruskimi i rasijskimi ŭhnajeńniami
Hienprakuratura Ukrainy nakłała aryšt na 170 vahonaŭ z uhnajeńniami «Biełaruśkalija» i «Urałkalija». Ich košt — bolš za 2,7 młn dalaraŭ.
«Pa infarmacyi śledstva, čyhunačnyja kantejniery z uhnajeńniami prybyli va Ukrainu jašče da pačatku poŭnamaštabnaha ŭvarvańnia. Jany znachodzilisia ŭ režymie «tranzit» u Mikałajevie na terytoryi marskoha śpiecyjalizavanaha porta», — zajavili ŭ ofisie hienprakurora Ukrainy.
Śćviardžajecca, što biełaruski i rasijski kalij pieravoziŭsia «ŭ trecija krainy dla prodažu i atrymańnia miljonnych prybytkaŭ», pry hetym častka vyručki «ŭ vyhladzie padatkaŭ pajšła b na finansavańnie vajny Rasii suprać Ukrainy».
Aryštavanaja majomaść budzie pieradadzienaja ahienctvu pa pošuku i mieniedžmiencie aktyvaŭ. Pačataje dasudovaje rasśledavańnie pa artykule ab uchileńni ad vypłaty padatkaŭ.
Raniej, 28 studzienia, Ukraina ŭviała sankcyi suprać «Biełaruśkalija» i jašče 22 biełaruskich kampanij.