U Horkach uviali płatu za karystańnie biehavoj darožkaj na stadyjonie
Administracyja haradskoha stadyjona ŭ Horkach pačyściła ad śniehu adnu biehavuju darožku i ŭviała płatu za karystańnie joj — 2,20 rubla za adnu hadzinu, pišuć horki.info.
Fota ilustracyjnaje
«Vielmi cikavaja historyja. Ciapier, kab ludziam schadzić na stadyjon, treba zapłacić 2,20 za hadzinu, — aburajucca žychary rajcentra ŭ sacyjalnych sietkach. — Heta bieź instruktara i miedrabotnika — prosta pachadzić pa stadyjonie. Tam šmat ludziej piensijnaha ŭzrostu i tych, chto adnaŭlajecca paśla insultu. Nu, choć invalidam biaspłatna».
Horki.info spraŭdzili infarmacyju pra novaŭviadzieńnie ŭ administracyi stadyjona. Akazałasia, što sapraŭdy, hadzina karystańnia biehavoj darožkaj kaštuje 2 rubli 20 kapiejek z čałavieka. Hety farmat pracy prachodzić u testavym režymie.
Rasčyščanaja pakul tolki adna darožka pa kruzie. Adnačasova karystacca joj mohuć niekalki čałaviek. Naviedvalnikam dazvolać taksama karystacca raspranalniaj.