Vy ździviciesia. U Biełhidramiecie raspaviali, kolki ŭ Biełarusi było soniečnych hadzin u śniežni-studzieni
Za śniežań i studzień u Biełarusi było ŭsiaho dva jasnyja dni. A jość jašče pakazčyk «soniečnaje źziańnie».
Adzin jasny dzień u śniežni pryjšoŭsia na žycharoŭ Homiela, a ŭ studzieni — na žycharoŭ Bresta, raspaviali BiełTA śpiecyjalisty Biełhidramieta.
U mietearałohii jasnym ličycca dzień, kali na praciahu sutak nazirałasia jasnaje abo małavobłačnaje (ź niaznačnaj vobłačnaściu) nadvorje.
«Najbolšaja kolkaść jasnych dzion u śniežni-studzieni za pieryjad nazirańniaŭ z 1991 pa 2020 hod była zafiksavana ŭ studzieni 2014 hoda ŭ Viciebsku i skłała 10 dzion», — adznačyli ŭ Biełhidramiecie.
Jašče adnym pakazčykam soniečnaści ŭ mietearałohii ličać praciahłaść soniečnaha źziańnia. Jana vyražajecca ŭ hadzinach i paznačaje čas, na praciahu jakoha na niebaschile prysutničaje sonca, u tym liku pamiž praśvietami ŭ abłokach. Praciahłaść hetaha času moža być ad 0,1 hadziny (ad 6 chvilin) i da maksimalna mahčymaj u hetyja chałodnyja miesiacy (prykładna da 7,5−8,5 hadziny za adny sutki).
«Pa hetym pakazčyku kolkaść dzion z soncam navat u zimovyja miesiacy značna bolšaja, čym jasnych. Tak, praciahłaść soniečnaha źziańnia ŭ Minsku ŭ śniežni 2022 hoda skłała 14,8 hadziny, a ŭ studzieni — 8,9 hadziny», — rastłumačyli ŭ Biełhidramiecie.