Biełarusu, jaki vajavaŭ u PVK «Vahnier», vystavili abvinavačvańnie
Słužba biaśpieki Ukrainy paviedamiła pra zatrymańnie biełarusa, jaki vajavaŭ u składzie PVK «Vahnier». U listapadzie jon trapiŭ u pałon.
Fota ilustracyjnaje
Jamu vystavili abvinavačvańnie pa artykule ab udziele najmita va ŭzbrojenym kanflikcie, vajennych abo hvałtoŭnych dziejańniach (častka 4 artykuła 447 KK Ukrainy).
Pavodle paviedamleńnia viedamstva, biełarus ustupiŭ u PVK «Vahnier» u lipieni minułaha hoda i ŭdzielničaŭ u bajavych dziejańniach suprać Ukrainy na bachmuckim kirunku. U listapadzie jon trapiŭ u pałon.
Biełarus ustupiŭ u PVK «Vahnier», kab «zarabić hrošaj». Pry zatrymańni ŭkrainskimi słužboŭcami jon raspavioŭ pra katavańni, pazbaŭleńni hrašovaha zabieśpiačeńnia i zabojstva ŭnutry «Vahniera», źviazanyja ź nievykanańniem zadač.