Alaksandr Kabanaŭ: Kruta, kali ŭ turmie vinšujuć pa radyjo
Były palitviazień Alaksandr Kabanaŭ, u śniežni vyzvaleny paśla adbyćcia ŭsiaho trochhadovaha terminu, prysudžanaha jamu łukašenkaŭskim sudom, raskazaŭ u adnoj z tematyčnych hrup na fejsbuku, što ŭ turmach palitźniavolenych niaredka vinšujuć praź dziaržaŭnaje radyjo, i heta vielmi pryjemna.
Fota ilustracyjnaje
«Paštoŭki ź vinšavańniem časta nie prapuskajuć. Ale zvyčajna prynosiać telehramu.
I jašče. U kamierach, praŭda nie va ŭsich, jość radyjo. I pa viečarach tam kruciać prahramu «Vinšujem-Žadajem», štości takoje, dakładnuju nazvu nie pamiataju. Dyk voś, na radyjo nie viedajuć, kamu vinšavańnie, i prymajuć zajaŭki, tolki nie treba pakazvać, što čałaviek aryštavany. Mianie tak niekalki razoŭ vinšavali, i heta kruta.
Možna i pieradavać pryvitańni dy pažadańni. Asabliva tym, chto ŭ SIZA, jany ŭsie radyjo słuchajuć».