U Sieńnienskim rajonie bryhadzirka fiermy prymušała padnačalenych kuplać dochłych cialat
Bryhadzirka fiermy adnaho ź sielskahaspadarčych pradpryjemstvaŭ u Sieńnienskim rajonie sprabavała schavać vialikija abjomy padziažu žyvioły, paviedamiła słužba infarmacyi Viciebskaj abłasnoj prakuratury.
Fota: prokuratura.gov.by
Žančynu padazrajuć u pieravyšeńni słužbovych paŭnamoctvaŭ. Jana z sakavika pa lipień 2022 hoda aformiła dakumienty ab fiktyŭnaj realizacyi 49 cialat. Pry hetym sami žyvioły pamierli, a vypłačvać niastaču pryjšłosia rabotnikam małočna-tavarnaj fiermy.
Bryhadzir prymusiła vaśmiarych padnačalenych napisać zajavy z prośbaj pradać im miasa i vyličyć jahony košt ź ich zarobkaŭ. Nibyta žyvioliny pamierli pa vinie hetych ludziej, tamu jany i abaviazany byli ŭsio kampiensavać. Siarod tych, chto napisaŭ zajavy, byŭ i ślesar, jaki zusim nie mieŭ dačynieńnia da dohladu žyvioły.
U vyniku z zarobkaŭ rabotnikaŭ fiermy było niezakonna vyličana bolš za Br4,5 tys.
U dačynieńni da bryhadzirki pačali kryminalnuju spravu pa č. 2 art. 426 KK Respubliki Biełaruś. Za pieravyšeńnie słužbovych paŭnamoctvaŭ joj pahražaje da 6 hadoŭ pazbaŭleńnia voli.