Hamielčuka asudzili da troch hadoŭ kałonii za abrazu i paklop na Łukašenku
Homielski abłasny sud 27 lutaha asudziŭ da troch hadoŭ kałonii va ŭmovach ahulnaha režymu miascovaha žychara Kanstancina Łapickaha, piša «Homielskaja Viasna».
Mierkavana, jaho asudzili za kamientaryi ŭ internecie. Prysud vynies sudździa Mikałaj Dola.
Kanstancina abvinavacili pavodle troch artykułaŭ Kryminalnaha kodeksa: č. 1 art. 130 (raspalvańnie inšaj sacyjalnaj varožaści), č. 2 art. 367 (paklop na Łukašenku), č. 1 art. 368 (abraza Łukašenki). Akaličnaści spravy nieviadomyja, bo sud z 10 lutaha prachodziŭ u zakrytym režymie. Viadoma, što Kanstancin byŭ zatrymany na pačatku listapada i źmieščany pad vartu.