Ukraina vyjšła z pahadnieńnia ab pamiežnym supracoŭnictvie ź Biełaruśsiu
28 lutaha Ukraina spyniła dziejańnie pahadnieńnia ź Biełaruśsiu ŭ śfiery dziaržaŭnaj miažy. Pra heta paviedamiŭ pradstaŭnik urada ŭ Viarchoŭnaj Radzie Taras Mielničuk.
Miaža Biełarusi z Ukrainaj
Pavodle słoŭ ukrainskaha čynoŭnika, spynienaje pahadnieńnie pamiž uradami Ukrainy i Biełarusi pa arhanizacyi sumiesnaha kantrolu ŭ punktach propusku na ŭkrainska-biełaruskaj dziaržaŭnaj miažy. Jano było padpisanaje ŭ śniežni 1995 hoda ŭ Kijevie.
Taksama Mielničuk paviedamiŭ, što adnačasova Ukraina vyjšła i z pahadnieńnia z Rasijskaj Fiederacyjaj ab supracoŭnictvie i ŭzajemadziejańni ŭ śfiery raźvićcia punktaŭ propusku praz ukrainska-rasijskuju dziaržaŭnuju miažu, padpisanaha ŭ kastryčniku 2011 hoda.
Ciaham apošniaha hoda, paśla pačatku poŭnamaštabnaj ahresii Rasii va Ukrainie pry padtrymcy režymu Łukašenki, ukrainskija ŭłady mietadyčna robiać denansacyju ŭkrainska-rasijskich i ŭkrainska-biełaruskich miždziaržaŭnych pahadnieńniaŭ, jakija byli zaklučanyja i pracavali ŭ papiarednija dziesiacihodździ.