Rasijski vajskoviec, jaki pryznaŭsia ŭ zabojstvie mirnaha ŭkrainca, atrymaŭ piać hadoŭ umoŭna pa spravie ab fejkach pra vojska
Rašeńnie pra heta ŭ čaćvier pryniaŭ Chabaraŭski harnizonny vajenny sud. Prakuror prasiŭ dla vajennaha šeść hadoŭ realnaha terminu.
Uletku minułaha hoda Daniił Frołkin raspavioŭ «Važnym historyjam», što zastreliŭ mirnaha žychara ŭ vioscy Andrejeŭka Kijeŭskaj vobłaści, kali jana była akupavanaja rasijskimi vojskami.
Viarnuŭšysia ŭ Rasiju, Frołkin zvolniŭsia z vojska, ale potym viarnuŭsia na słužbu. U śniežni stała viadoma, što na jaho zaviali spravu ab raspaŭsiudžvańni «fejkaŭ» pra armiju arhanizavanaj hrupaj i z karyślivych mierkavańniaŭ.
U Rasii pa spravach ab «fejkach» vynieśli bolš za 20 prysudaŭ. Samyja vialikija terminy atrymali 23-hadovy student Dźmitryj Ivanoŭ i apazicyjny palityk Illa Jašyn — ich pasadzili na 8,5 hoda.