Ci možna pryjści na pracu krychu paźniej, kali zatrymlivaješsia pa viečarach
Departamient dziaržaŭnaj inśpiekcyi pracy Ministerstva pracy i sacyjalnaj abarony rastłumačyŭ, ci moža rabotnik spaźniacca na pracu, kali sychodzić ź jaje paźniej, raspaviali ŭ Myfin.by.
Kali pracoŭny dzień pačynajecca z 8:00, a rabotnik prychodzić u 7:40, to nijakaj pierapracoŭki ŭ jaho niama. A voś spaźnieńni ŭličvajucca, tłumačać śpiecyjalisty. Da taho ž, «bolš rańni prychod na pracu nie daje rabotniku prava syści raniej».
«Sychod z pracy raniej ustanoŭlenaha času jaje zakančeńnia — parušeńnie pracoŭnaj dyscypliny (dyscyplinarnaja pravina)», — paviedamili ŭ Departamiencie. Najmalnik nie abaviazany apłačvać pracu za miežami pracoŭnaha času rabotnika, kali jana praviedzienaja pa inicyjatyvie rabotnika bieź viedama najmalnika. Bolš za toje, kali z ulikam ustanoŭlenaha režymu pracy supracoŭnik faktyčna adpracuje mienšuju kolkaść času, najmalnik maje prava nie apłačvać nieadpracavany čas.
«Nielha spaźniacca na pracu, navat kali potym vy sychodzicie paźniej», — reziumavali ŭ viedamstvie.
Čytajcie taksama:
Nijakaj biassońnicy: prapanujem mietad, ź jakim vy možacie zasnuć za chvilinu