Katalickuju parafiju ŭ Raduni zmusili viarnuć na šyldu imia Lenina
U Raduni (Hrodzienskaja vobłaść) na bramie kaścioła Maci Božaj Ružancovaj była raźmieščana šylda z nadpisam na biełaruskaj i polskaj movach, pryčym, u polskim varyjancie vulicu «pieranazvali» z «Lenina» ŭ «Kaściolnuju», paviedamlaje «Chryścijanskaja vizija».
Prałukašenkaŭskija aktyvisty aburylisia hetym. Jany pisali ŭ svaich pablikach aburanyja paviedamleńni z abrazami, nienarmatyŭnaj leksikaj i raspalvańniem varožaści ŭ dačynieńni da katalickich śviataroŭ:
«B***. Daŭno viadoma, što ksiandzy — heta vorahi našaj krainy, amal usie jany zmaharyli ŭ 2020 hodzie, dyk čamu ž hetyja pačvary dahetul prapaviedujuć u Biełarusi?! (…) Ź siaredniaviečča viadoma, što katalicyzm na našych, spradviečna ruskich pravasłaŭnych ziemlach — heta zło! Ksiandzy zaŭsiody nienavidzieli nas — ruskich. Ci nie para vyhnać usiu hetuju prapolskuju, pralitoŭskuju brydu z cerkvaŭ i pryznačyć tudy biełarusaŭ, h. zn. ruskich pa pachodžańni?» — kazałasia ŭ adnym z dopisaŭ.
Učora aktyvisty pachvalilisia svaim pośpiecham: «imia Uładzimira Iljiča viarnułasia na svajo zakonnaje miesca».