KDB kašmaryć vajenizavanuju achovu na čyhuncy
Jak stała viadoma «Našaj Nivie», u filijałach pa ŭsioj krainie adbyvajucca zatrymańni i zvalnieńni.
Vajenizavanaja achova na čyhuncy — heta asobnaja struktura ŭ ramkach Biełčyhunki. Uzbrojenyja i navučanyja ludzi pry patrebie achoŭvajuć hruzy pa darozie i na čyhunačnych stancyjach. Masty, pierajezdy.
Imavierna, mnohija z hetych ludziej byli zadziejničanyja pry dvuchbakovym ruchu vajskovaj techniki i zbroi: spačatku Rasija pierakidvała siudy akupacyjnyja siły, potym u Biełarusi stali zabirać jaje zapasy zbroi dla papaŭnieńnia arsienałaŭ źniasilenaj bajami na ŭschodzie Ukrainy pucinskaj armii.
Jak stała viadoma «Našaj Nivie», ź minułaha tydnia orhany dziaržbiaśpieki kašmarać supracoŭnikaŭ vajenizavanaj achovy.
Dakładnaj pryčyny my nie viedajem.
Aryšty i zvalnieńni adbyvajucca ŭ filijałach pa ŭsioj krainie.
Tak, u Baranavičach — bujnym čyhunačnym vuźle, atočanym palihonami i vajennymi čaściami, — z raboty vylecieli načalnik atrada i jahony namieśnik.
U atradach Mahiloŭskaj i Homielskaj vobłaści adbylisia zatrymańni — ludziam malujuć administratyŭki.
Supracoŭniki vykazvajuć zdahadki, što pryjšła ich čarha, a aryšty i zvalnieńni adbyvajucca pa spuščanych z KDB śpisach.
Kali vam viadomyja padrabiaznaści, paviedamlajcie asabista tym aŭtaram «Našaj Nivy», jakich viedajecie, abo ŭ telehram-akaŭnt «Našaj Nivy» ŭ sakretny čat: @nn_editor.
Kamu zručniej na mejł — pišycie redaktaru na mejły nivanasha@gmail.com ci nivanasha@proton.me.