Onliner vydaliŭ halinu forumu, źviazanuju z atrymańniem karty palaka
Halina «Karta palaka. Machniom lehalna ŭ Polšču?» ciapier niedastupnaja, choć jašče niadaŭna tam viałosia abmierkavańnie niuansaŭ atrymańnia karty palaka, zaŭvažyŭ kanał BHM.
Heta nie pieršy vypadak vydaleńnia «adčuvalnych» dla režymu Łukašenki tem z forumu Onliner. U kastryčniku 2022 hoda z forumu źnikli haliny, źviazanyja z vojskam i pryzyvam, piša kanał.
Na pačatku vieraśnia 2022 hoda Łukašenka rezka vykazaŭsia ŭ adras uładalnikaŭ karty palaka. A ŭžo 21 vieraśnia byŭ apublikavany prajekt źmien u zakon ab hramadzianstvie. Biełarusaŭ, jakija atrymali hramadzianstva albo dazvoł na žycharstva zamiežnaj dziaržavy, abaviazali infarmavać pra heta orhany ŭnutranych spraŭ. Kali čałaviek znachodzicca za miažoj, to pra heta treba budzie paviedamić u zamiežnyja dypłamatyčnyja pradstaŭnictvy.
Pačynajučy z 2008 hoda kartu palaka atrymała bolš za 160 tysiač hramadzian Biełarusi.