SBU zatrymała dačku eks-kiraŭnika akupacyjnaj administracyi Čarnabajeŭki. Jana chavałasia ŭ Vińnickaj vobłaści
Dačka pryznačanaha rasijskimi ŭładami eks-kiraŭnika akupacyjnaj administracyi vioski Čarnabajeŭka pad Chiersonam zatrymanaja ŭ Vińnickaj vobłaści. Jaje abvinavačvajuć u kałabaranctvie.
Pavodle viersii śledstva, 30-hadovaja dačka Juryja Turulova, jakomu SBU raniej paviedamiła ab padazreńni, adnoj ź pieršych padtrymała rasijskaje ŭvarvańnie i dobraachvotna ŭstupiła ŭ šerahi miascovaj akupacyjnaj administracyi.
Pa pratekcyi baćki jana ŭznačaliła «adździeł adukacyi» ŭ zachoplenym siale, arhanizoŭvała i asabista ŭdzielničała ŭ šmatlikich prapahandysckich akcyjach u akupavanaj častcy Chiersonskaj vobłaści.
U pryvatnaści, u kancy lipienia minułaha hoda jana była delehatkaj na prakramloŭskim forumie «My razam z Rasijaj». Jaho ŭdzielniki ŭchvalili tak zvanuju «dekłaracyju raźvićcia rehijona», jakaja faktyčna źjaŭlałasia płanam intehravańnia poŭdnia Ukrainy ŭ rasijskuju ekanomiku.
Paśla deakupacyi pravabiarežnaj častki Chiersonskaj vobłaści žančyna pierajechała ŭ Vińnickuju vobłaść, dzie chavałasia pad vyhladam pierasialenki.
Ciapier jaje abvinavačvajuć pavodle artykuła «dapamahańnie akupacyjnaj administracyi dziaržavy-ahresara», joj pahražaje ad 10 da 12 hadoŭ turmy.