Minzdaroŭja abnaviła patrabavańni da hramadskich prybiralniaŭ
Z 16 krasavika ŭstupiła ŭ siłu pastanova Ministerstva achovy zdaroŭja Biełarusi, u jakoj siarod inšaha rehłamientujecca kamplektacyja hramadskich prybiralniaŭ.
Zhodna z hetym dakumientam, inžyniernyja kamunikacyi, santechničnaje i inšaje abstalavańnie ŭ haradskich prybiralniach pavinny być spraŭnymi, a padłohi, stoli, ścieny, dźviery i vokny — biez defiektaŭ i paškodžańniaŭ.
U kožnaj hramadskaj prybiralni pavinny być u najaŭnaści joršyk, śmiećcievaje viadro, tualetnaja papiera z trymalnikam, nakładnoje siadzieńnie dla ŭnitaza, rukamyjnik, haračaja i chałodnaja vada, a taksama dazatar z vadkim myłam i elektraručniki abo adnarazovyja papiarovyja survetki.
Indyvidualnyja kabiny pavinny być ź dźviaryma, jakija znutry začyniajucca na zaščapku. Tam ža raźmiaščajucca kručki dla adzieńnia i sumak.
Rehłamientujecca i prybirańnie pamiaškańniaŭ — nie radziej, čym adzin raz na sutki.
Asobnym punktam ahavorvajecca, dzie hramadskija prybiralni pavinny być biaspłatnymi. U pieršuju čarhu heta pamiaškańni ŭ hramadskich budynkach, na aŭtazapraŭkach, u haradskich parkach, bataničnych sadach, na plažach i na rynkach.
Čytajcie taksama:
Biełaruś daloka abyšła Rasiju pa kolkaści prybiralniaŭ z kanalizacyjaj