U kramach mierču Łukašenki pradajuć paduški ź jaho słovami «Sa mnoju treba spać»
Siarod łukašenkaŭskaha mierču pradajuć padušku ź jaho słovami, jakija prahučali ŭ adkaz na pytańnie niezaležnaj žurnalistki pra los palitviaźniaŭ, piša «Radyjo Svaboda».
Paduška z cytataj Łukašenki. Fota: SB
Havorka pra padušku z cytataj «Kab zrazumieć, jak ja splu — sa mnoju treba spać».
Hetyja słovy pachodziać z adkazu Łukašenki žurnalistcy haziety «Narodnaja Vola». Paśla vybaraŭ u 2010 hodzie i masavych represij žurnalistka spytała Łukašenku na pres-kanferencyi, ci budzie jon spakajniej spać, kali adpuścić na volu svaich apanientaŭ Andreja Sańnikava i Mikałaja Statkieviča. Łukašenka adkazaŭ:
«Kab zrazumieć, jak ja splu, sa mnoj treba spać… Ja nie prapanuju vam hetaha…»
U adkaz žurnalistka skazała: «Dziakuj, ja admoŭlusia».
Jak paviedamlałasia raniej, majki i śvitšoty dla kramy «Puła piervoho» šyjuć u Žodzinie. Prodažam zajmajecca dziaržaŭnaja kampanija, jakaja ŭvachodzić u kancern «Biellehpram».