Kab vyjści pa UDV, dobrych pavodzin niedastatkova, nieabchodna achviaravać hrošy kałonii. Kolki treba?
Dva razy na miesiac u papraŭčaj kałonii №1 prachodziać kamisii pa ŭmoŭna-daterminovym vyzvaleńni i zamienie pakarańnia bolš miakkim. Adzin i toj ža asudžany prachodzić hetuju praceduru niekalki razoŭ. I jaho los zaležyć ad hrašovych sum, jakija jon zmoh pieraličyć u fondy atradaŭ kałonii.
Ilustracyjny zdymak. Fota: Intex-press
Pra realii Navapołackaj PK-1, dzie da traplańnia ŭ balnicu adbyvaŭ termin Viktar Babaryka, pravaabaroncam raspavioŭ były viazień.
Pavodle jaho apoviedu, kali asudžany nie pieraličyŭ ničoha, to, jak by dobra jon siabie ni pavodziŭ, pryjdziecca siadzieć ad zvanka da zvanka.
Vyklučeńnie składajuć tak zvanyja «zahadčyki haspadarki» — źniavolenyja, jakija pracujuć na administracyju. Jany vykonvajuć usie kapryzy načalstva PK, i mienavita ŭ ich zadaču ŭvachodzić «raskrutka» astatnich źniavolenych na vydatki na karyść kałonii. Heta značyć, pra mahčymaść vychadu na volu za hrošy asudžanym kažuć mienavita «zaŭhasy», kiraŭnictva papraŭčaj ustanovy pry hetym robić vyhlad, što ničoha nie viedaje, a viaźni sami śpiašajucca zaniacca dabračynnaściu.
Kab vyjści z PK-1 pa UDV albo na «chimiju», ahulnaja suma achviaravańniaŭ pavinna startavać ad piaci tysiač rubloŭ.
U siarednim ža daterminovaje vyzvaleńnie kaštuje ŭ ekvivalencie kala 3000 dalaraŭ ZŠA. Jak praviła, kali termin dosyć vialiki, administracyja imkniecca zamianiać kałoniju na «chimiju», a kali prysud da 4 hadoŭ, to možna raźličvać na UDV.
Takaja sistema była adładžanaja, pakul načalnikam PK-1 byŭ skandalna viadomy Andrej Palčyk, jakoha eks-viaźni vinavaciać u schilnaści da sadyzmu. A 4 maja stała viadoma, što novym kiraŭnikom papraŭčaj ustanovy byŭ pryznačany Rusłan Mašadzijeŭ. Pravaabaroncy kanstatujuć, što ŭ kałonii pakul ničoha nie źmianiłasia.
Čytajcie taksama:
Načalnik navapołackaj kałonii, dzie mučać Ihara Łosika, ros ź im u adnym domie ŭ Baranavičach