Jeŭranaviny ad daścipnych vidavočcaŭ

Mikałaj Chalezin i Natalla Kalada, kiraŭniki paŭzabaronienaha «Svabodnaha teatru», sabrali pad adnoj vokładkaj sučasnyja adnaaktavyja pjesy i scenki. U anatacyi napisana, što «knihu skłali pjesy jeŭrapieskich aŭtaraŭ pra temu hałoŭnych vyklikaŭ, što stajać pierad ich krainami». A što za ciapierašnim śvietam jość sapraŭdnym vyklikam, jak nie vyprabavańnie Jeŭraźviazam?

Rumyny, łatyšy i palaki ŭ styli litaraturna-dramaturhičnaha onłajnu raspaviadajuć pra svoj palot u ciapier ahulnym jeŭrapiejskim samalocie. Vyjšła praŭdziva i krytyčna: takija sabie ablitaraturanyja jeŭranaviny ad daścipnych i cikavych vidavočcaŭ.

Z pjesaŭ, jaki składajuć «Jeŭraepiku» možna zrazumieć, što jeŭrapachadžanie musiać minuć 5 etapaŭ:

1. Etap «Zusim nie Jeŭraźviaz»: Pjesa Mikałaja Chalezina «Razmova» pra dopyt studenta-apazicianiera «kampietentnymi» orhanami.

Nie pa-mastacku, ale pa-biełarusku luta i naturalistyčna.

2. Etap «Voś-voś Jeŭraźviaz». P'jesa-dyjałoh «Rasprodaž Rumynii» Stefan Pieka.

Niamieckaja fundatarka prosić u rumynskaha aŭtara napisać niešta z Drakułam-Čaušesku ŭ siužecie i paralelna najmaje litaratara myć šyby…

3. Etap «Tolki-tolki Jeŭraźviaz». Amal dakumientalnyja kadry: pračułaja pjesa łatvijca Alaksieja Ščarbaka «Padrabiaznaści ŭ piśmie». Małady łatyš na zarobkach u Irłandyi, dyj piša pra toje list u viosku. Jeŭrakamiedyja.

4. Stan «Užo daŭno hłyboki Jeŭraźviaz»: pjesa švieda Andersa Duusa «Vorah». Źleva: fanatyčnaja žančyna z tavarystva achovy pryrody, Sprava: apantany skinched. U centry — małdaŭskaja imihrantka. Drama na roŭnym miescy.

5. Stan «Jeŭraźviaz pa-ukrainsku». Paciešnaja pjesa «Kryčać niejkija ptuški» ŭkrainki Hanny Jabłonskaj pra infantylnych palitykaŭ, tonkaja parodyja na ŭkrainskaje šmatuładździe. Absurdysckaja scenka z narodnaha žyćcia.

Dzie stavić pjesy sa zbornika «Jeŭraepika»: na kruhłych jeŭrastałach zamiest zanudnych dyskusijaŭ.

Eurepica. Challenge: pjesy jeŭrapiejskich i amierykanskich aŭtaraŭ u pierakładach Andreja Kalady i Juryja Kalady/ukł. M.Chalezina i N.Kalady, Minsk: Free Theatre Publishing House, 2009. 264s., 1000 as.

Kamientary da artykuła