Rasijanie zavieźli ŭ Mielitopal prafiesijnych špijonaŭ. Voś dla čaho
FSB RF pryviezła ŭ akupavany Mielitopal Zaparožskaj vobłaści atrady prafiesijnych «kratoŭ». Jany buduć dapamahać u palavańni na patryjotaŭ i partyzanaŭ.
Ilustracyjnaje fota: staronka Minabarony Rasii ŭ fejsbuku
«FSB zaviezła ŭ Mielitopal atrady navučanych špijonaŭ», — raspavioŭ ukrainski mer horada Ivan Fiodaraŭ.
Pra toje, što ŭ horadzie možna spakojna vykazvać svajo mierkavańnie, havorka nie idzie ŭžo daŭno, napisaŭ Fiodaraŭ.
«A ciapier jašče ŭ roznych rajonach horada śpiecyjalna navučanyja «nieludzi» vyšukvajuć patryjatyčna nastrojenych hramadzian», — dadaŭ jon.
«Ź jakoj metaj heta robicca i što moža čakać našych ludziej, zastajecca tolki zdahadvacca», — kanstatavaŭ mer Mielitopala.
Apošnim časam rasijanie aktyvizavali pošuk partyzanaŭ i padpolščykaŭ u akupavanym horadzie, jaki byŭ zachopleny RF u pieršyja dni ŭvarvańnia ŭ sakaviku 2022 hoda. Tak, jany pačali raźviešvać pa horadzie videakamiery, a taksama praciahvajuć vykradać cyvilnych u pošukach «terarystaŭ» i partyzanaŭ, piša «RBK-Ukraina».