U Biškieku admianili kancert «Bi-2»
Muzyki pavinny byli syhrać kancert 18 červienia ŭ Pałacy sportu. Pra heta paviedamili arhanizatary mierapryjemstva Vi project kg u instahramie.
U dopisie pra admienu kancerta arhanizatary napisali, što mierapryjemstva admianili pa niezrazumiełych dla ich pryčynach i paabiacali viarnuć prychilnikam hurta hrošy za kvitki, paviedamlaje kloop.kg.
«Taksama naša kampanija nie budzie supracoŭničać z Vi project kz nadalej, tak jak umovy ich supracoŭnictva supiarečać zakanadaŭstvu Kyrhyzskaj Respubliki. Jašče raz prynosim svaje prabačeńni, bo z našaha boku była praviedziena vialikaja praca», — napisali arhanizatary kancerta.
Učora hurt «Bi-2» vystupiŭ z kancertam u Karahandzie. Siońnia zapłanavany kancert u Ałmaty.
«Bi-2» — biełaruski i rasijski rok-hurt, jaki pakinuŭ Rasiju paśla poŭnamaštabnaha ŭvarvańnia Rasii va Ukrainu ŭ lutym 2022 hoda. Rasiju hrupa pakinuła paśla taho, jak vypuściła antyvajenny klip na pieśniu «Kałychanka».
Lova Bi-2. Fota: instahram hurta
Salist hurta Lova (biełarus Jahor Bortnik) u mai 2023 hoda napisaŭ u instahramie, što nie vierniecca ŭ Rasiju. «Pucinskaja Rasija vyklikaje tolki ahidu i hidlivaść», — napisaŭ jon.
U kancy maja Jahora Bortnika pryznali ŭ Rasii zamiežnym ahientam.