«Mina, ja sumuju pa tabie». Złatan Ibrahimavič apublikavaŭ kranalny dopis
Šviedski forvard Złatan Ibrahimavič, jaki na minułym tydni zajaviŭ, što zakančvaje karjeru, padvioŭ u instahramie vyniki svajho futbolnaha žyćcia.
Złatan Ibrahimavič. Fota: Antonio Calanni / AP
«Ja naradziŭsia ŭ Malmio. Vyras u Amsterdamie. Staŭ mudrejšym u Turynie. Ja staŭ ilvom u Barsiełonie. Vyras u Miłanie i zdabyŭ novyja pierśpiektyvy ŭ Paryžy. Nabraŭsia sił u Mančestery i trochi paviesialiŭsia ŭ Łos-Andželesie. A potym, narešcie, zdabyŭ spakoj na svajoj novaj radzimie ŭ Miłanie.
Ja stvorany taboj. I spadčyna, jakuju ja spadziajusia pakinuć paśla siabie, — heta ŭvieś novy Złatan, stvorany mnoj. Usie tyja, u kaho lvinaje serca. Usie tyja, u kaho ŭ vačach haryć ahoń. Usie tyja, chto sapraŭdy razumieje, što niemahčymaha niama. Dziakuj za ŭsio.
Mina, my zrabili heta! Pajezdka skončanaja. Heta było dziŭnaje padarožža. Ja sumuju pa tabie», — napisaŭ Złatan.
Mina — heta futbolny ahient Mina Rajoła, jaki spryčyniŭsia da raźvićcia karjery Ibrahimaviča. Jon pamior 30 krasavika 2022 hoda.
Ibrahimavič za čas futbolnaj karjery zabiŭ 511 hałoŭ u 639 matčach za takija kłuby, jak «Malmio», «Ajaks», «Juvientus», «Pary Sien-Žermien», «Mančester Junajted», «Barsiełona», «Miłan», «Inter», «Łos-Andželes Hełaksi», jon vyjhraŭ čempijonskija tytuły ŭ čatyroch krainach: «Ajaks» (Niderłandy), «Inter», «Miłan», «Juvientus», «Miłan» (Italija), «Barsiełona» (Ispanija), PSŽ (Francyja).
Forvard taksama jość najlepšym bambardziram zbornaj Šviecyi z 62 hałami ŭ 121 matčy.
Čytajcie taksama:
Trenier Hieorhij Kandraćjeŭ: Nas nichto nie lubić
«Reał» kupiŭ 19-hadovaha paŭabaroncu za 103 miljony jeŭra
Čech, jaki pryvioŭ bresckaje «Dynama» da zołata, uznačaliŭ kłub u Maskvie