Nadzvyčajnyja zachady biaśpieki. Samit NATO ŭ Vilni budzie abaraniać sistema NASAMS
Na čas samitu NATO ŭ Vilni 11-12 lipienia Ispanija adpravić tudy zienitna-rakietny kompleks NASAMS z vajskovaj bazy Lijełvarde ŭ susiedniaj Łatvii.
NASAMS. Fota: Wikimedia Commons
«Hety ŭkład u abaronu Vilenskaha samitu NATO demanstruje našu nadziejnaść, našu sumiaščalnaść ź inšymi sistemami NATO i našu addanaść Paŭnočnaatłantyčnamu aljansu», — paviedamlajuć ispanskija Uzbrojenyja siły.
Ispanija razharnuła kompleks NASAMS u Łatvii ŭ červieni 2022 hoda.
NASAMS (anhł. Norwegian Advanced Surface to Air missile System) — pierasoŭny narviežski zienitny rakietny kompleks, jaki pryznačany dla baraćby z manieŭranymi aeradynamičnymi celami na małych i siarednich vyšyniach. NASAMS moža źniščać BPŁA, balistyčnyja rakiety, viertaloty, samaloty, kryłatyja rakiety i inšyja celi.
Kompleks adnosicca da sistem supraćpavietranaj abarony małoha i siaredniaha radyusa dziejańnia.