Kałony vahnieraŭcaŭ prajšli Jalec, da Maskvy zastajecca 340 kiłamietraŭ
Viadomy rasijski vajenkar «Rybaŕ», blizki da PVK «Vahnier», apisaŭ situacyju pa stanie na 15:00.
Fota: Getty Image
Pavodle kanała «Rybaŕ», kałony PVK «Vahnier» prajšli horad Jalec u Lipieckaj vobłaści. Śviedčańni pra ich kolkaść vahajucca ad 150 adzinak techniki da 400 u składzie čatyroch asobnych kałon.
Ad Jalca da Maskvy — 340 kiłamietraŭ pramoj darohi biez uliku reljefu miascovaści i błokpastoŭ. Asnoŭnyja błokpasty i pazicyi siłavikoŭ znachodziacca kala mosta praz Aku na padjezdach da Maskvy i na trasie M-4.
Prachodziačy Varoniež, atrady PVK u horad, pavodle «Rybaria», nie zachodzili — častka rušyła ŭ abjezd praz uschod vobłaści, a častka pa abjaznoj darozie.
U siecivie źjavilisia kadry pracy Ka-52 kompleksami «Vichr» pa technicy PVK, ale kali mienavita adbyŭsia incydent — nieviadoma.
Akramia taho, «Rybaŕ» śćviardžaje, što na padjeździe da Rastova-na-Donie zaŭvažany čačenskija atrady «Achmat», nakiravanyja dla razhonu vahnieraŭcaŭ. Atrady PVK pieraharadzili ŭjezd u horad z boku Tahanroha.