Polski samalot vypadkova zalacieŭ va Ukrainu
Hramadzianski samalot z Poznani pralacieŭ 20 kiłamietraŭ uhłyb zakrytaj ukrainskaj pavietranaj prastory.
Fota: Enter Air
Učora ŭ 17:35 polski hramadzianski samalot kampanii Enter Air zalacieŭ u pavietranuju prastoru Ukrainy. Jak piša vydańnie The Poznan, samalot tudy zalacieŭ vypadkova.
Pavietranaje sudna vykonvała rejs z Poznani ŭ Antaliju (Turcyja) i z-za prablem z nadvorjem zalacieła ŭhłyb Ukrainy na 20 kiłamietraŭ i potym viarnułasia nazad.
Usiaho polski samalot prabyŭ nad ukrainskaj terytoryjaj piać chvilin.
«Samalot byŭ vymušany źmianić maršrut, kab paźbiehnuć traplańnia ŭ navalničny front. Aptymalnuju darohu jamu pakazvali kaardynatary palotaŭ sa Słavakii. U vyniku pavietranaje sudna vypadkova zalacieła va Ukrainu i na piać chvilin apynułasia nad Užharadam», — raspavioŭ avijapieravozčyk Enter Air, čyj samalot i zalacieŭ va Ukrainu.
Nahadajem, što z pačatku vajny va Ukrainie jaje pavietranaja prastora zastajecca zakrytaj dla ruchu hramadzianskaha avijatranspartu. Amal takaja ž situacyja i ŭ Biełarusi, nad jakoj zabaroniena latać bolšaści avijakampanij praz pavietranaje piractva režymu Łukašenki.
Pry hetym niadaŭna adzin ź jeŭrapiejskich samalotaŭ hetuju zabaronu parušyŭ.
Čytajcie taksama:
Samalot, jakim karystajecca siamja Łukašenki, pryziamliŭsia ŭ Turcyi — Motolko.help
U biełaruskaj armii źjaviŭsia pieršy samalot z tualetam na borcie