Byłomu palitviaźniu admovili ŭ statusie biežanca ŭ Polščy, ale dali inšy
Za kratami Valancin Łabačoŭ prabyŭ paŭtara hoda. U lutym 2023-ha vyjšaŭ na volu i praź niejki čas źjechaŭ ź Biełarusi. Ciapier mužčyna žyvie niedaloka ad Varšavy.
Fota: sacyjalnyja sietki
Padavaŭ dakumienty na ŭciakactva Valancin sioleta ŭ kancy krasavika.
«Atrymlivajecca, što palitviaźniam u biežanstvie admaŭlajuć. Kamu tady hety status dajuć? Na moj pohlad, heta niapravilna. Niekatoryja ludzi, jakim taksama admovili, pisali paśla apielacyju, tady razhladali jaje. Ja taksama pasprabuju ciapier tak», — kaža Łabačoŭ.
U zajavie ab prośbie nadać status biežanca były palitviazień paznačyŭ, što jon pravioŭ za kratami hod i šeść miesiacaŭ, apisaŭ palityčnuju abstanoŭku ŭ Biełarusi, a taksama paznačyŭ, što byŭ siabram partyj «Biełaruski nacyjanalny front» i «Małady front».
Łabačovu admovili ŭ nadavańni statusu biežanca, ale dali dadatkovuju abaronu. Heta značyć, što nazad u Biełaruś jaho nie vyšluć.
Čamu nie status biežanca?
«Vyvučyŭšy dokazy, nieabchodna zrabić vysnovu, što zajaŭnik nie abhruntavaŭ svaje aściarohi padvierhnucca pieraśledu ŭ krainie svajho pachodžańnia pa prykmiecie rasy, relihii, nacyjanalnaści, prynaležnaści da peŭnaj sacyjalnaj hrupy abo palityčnych pierakanańniaŭ, što jość nieabchodnaj pieradumovaj dla pryznańnia biežancam <…> Zajaŭnik, niahledziačy na svajo nieprymańnie niadaŭnich padziej u Biełarusi, nie moža ličycca aktyŭnym apazicyjanieram, viadomym uładam svajoj dziejnaści, i, takim čynam, jaho patencyjnyja prablemy ŭ krainie jaho pachodžańnia nie mohuć być rastłumačanyja pieraśledam», — adznačyli ŭ dakumiencie polskija ŭłady.
Čytajcie taksama:
Były palitviazień: Za kantakt ź Fiadutam karali karcaram
Pasłańnie z budučyni. Piensijaniera z Drahičyna aštrafavali za malitvu, da jakoj jašče try miesiacy