Pryznačyli datu apielacyi pa spravie palitźniavolenaj Aleny Hnaŭk
Apielacyjnuju skarhu pružanskaj piensijanierki Aleny Hnaŭk razhledziać u Homielskim abłasnym sudzie 6 lipienia. Da hetaha času jaje možna padtrymać hrašovymi pieravodami i pasyłkami, jak paviedamlaje «Viasna».
Prysud pa treciaj kryminalnaj spravie suprać pružanskaj aktyvistki abviaścili ŭ Čyhunačnym rajonie Homiela 28 krasavika — 1 hod pazbaŭleńnia voli. Kančatkovy termin pakarańnia składaje 2 hady i 11 miesiacaŭ źniavoleńnia. Hetym razam Alenu abvinavacili pavodle art. 411 KK za «złosnaje niepadparadkavańnie patrabavańniam administracyi papraŭčaj kałonii».
Učora syn Hnaŭk trapiŭ na spatkańnie z maci. Pavodle jaho, jana trymajecca dobra. U kamiery siadzić z tryma žančynami, ź jakimi ŭ jaje dobryja stasunki. Umovy ciapier lepšyja, čym u kałonii, dzie jaje ŭtrymlivali 90 sutak u ŠIZA.
Za ŭvieś čas Alenie Hnaŭk dajšli tolki 10 listoŭ ad biełarusaŭ.
Čytajcie taksama:
Jašče 7 čałaviek pryznali palitviaźniami
Dyrektar studyi veb-dyzajnu «Ikvadart» Hleb Kojpiš — na voli
Suprać palitviaźnia Alaksieja Kamaroŭskaha zaviali novuju kryminalnuju spravu