Retejler Oz stvaraje sietku punktaŭ samavyvazu
Retejler Oz maje namier asvojvać hustanasielenyja mikrarajony i sučasnyja kvartały, i z hetaj metaj kampanija zajaviła pra pačatak raźvićcia sietki punktaŭ chutkaha samavyvazu. Pieršy punkt užo adkryty ŭ Minsku pa vulicy Leanida Biady, u žyłym kompleksie «4 siezony».
«My vyraśli ŭ bujnuju sietku, jakaja prapanuje bolš za 150 tysiač vidaŭ tavaraŭ — ad knih da praduktaŭ, techniki i pradmietaŭ interjeru. Roźničnyja kramy fizična nie mohuć źmiaścić na palicach usiu raznastajnaść asartymientu, jakuju prapanuje internet-krama», — tłumačyć svaju stratehiju kampanija.
Ciapier pakupniki zmohuć sami zabrać u punktach samavyvazu knihi, kanctavary, nastolnyja hulni, suvieniry, pradmiety dla tvorčaści, kaśmietyku, parfumieryju, techniku, posud, pradukty charčavańnia i inšyja tavary, kolkaść jakich, jak śćviardžajecca, u 100 razoŭ pieravyšaje asartymient na handlovych palicach.
U Oz abiacajuć, što tavary sa składa buduć adhružać užo na nastupny dzień z momantu zamovy, a ad pastaŭščyka — na niekalki dzion paźniej.
Oz — roźničnaja sietka z 40 kram, handlovaja anłajn-placoŭka i mabilny dadatak. Kampanija śpiecyjalizujecca na prodažy knih, kaśmietyki, kancylarskich tavaraŭ, nastolnych hulniaŭ i tavaraŭ dla tvorčaści. Z kanca 2022 hoda kampanija paralelna raźvivaje prajekt z Oz Home z tavarami dla doma.
Čytajcie taksama:
Pad Minskam narešcie adkryjuć handlovy centr, jaki budavali bolš za 10 hadoŭ
Adkryłasia pieršaja krama ź sietki, jakuju prezientujuć jak anałah polskaj «Žabki»