Stali viadomyja vyniki CT pa biełaruskaj movie, «stabalnikaŭ» u čatyry razy mienš, čym letaś
Na 100 bałaŭ centralizavanaje testavańnie pa biełaruskaj movie napisali 16 abituryjentaŭ, jak paviedamlaje pres-słužba Ministerstva adukacyi.
Pavodle infarmacyi dyrektara Respublikanskaha instytuta kantrolu viedaŭ Juryja Miksiuka, vyniki vyprabavańnia ŭžo dastupnyja abituryjentam na sajcie RIKV.
Biełaruskaja mova była pieršym pradmietam centralizavanaha testavańnia — 2023, jakoje startavała 14 červienia.
U minułym hodzie na CT pa biełaruskaj movie «stabalnikaŭ» było našmat bolš — 67 čałaviek.
Siońnia, 26 červienia, abituryjenty zdavali chimiju, 28 červienia adbudziecca test pa fizicy, 30 červienia — pa historyi Biełarusi, 2 lipienia — hieahrafii. Zavieršycca CT 4 lipienia ekzamienam pa suśvietnaj historyi (najnoŭšy čas).