U Polščy zatrymali rasijskaha chakieista pa padazreńni ŭ špijanažy
Jamu moža pahražać da 10 hadoŭ źniavoleńnia.
Ahienctva ŭnutranaj biaśpieki Polščy zatrymała ŭ Silezskim vajavodstvie 28-hadovaha rasijanina Maksima S., jakoha abvinavačvajuć u špijanažy na karyść Rasii, jak paviedamlaje «Dožd́».
Pavodle źviestak haziety, zatrymany — prafiesijny chakieist. Jak paviedamiŭ hienieralny prakuror Polščy Źbihnieŭ Ziebra, jon byŭ hulcom kłuba pieršaj lihi. Pavodle jaho, heta 14-y zatrymany z raskrytaj u krainie špijonskaj sietki.
U pres-słužbie rehijanalnaj prakuratury paviedamili, što dziejnaść zatrymanaha, jakuju jon vioŭ z kastryčnika 2021 hoda, była źviazanaja z raźviedkaj abjektaŭ krytyčnaj infrastruktury ŭ niekalkich vajavodstvach.
Chakieistu, imia jakoha nie nazyvajecca, vystavili abvinavačvańnie va ŭdziele ŭ arhanizavanaj złačynnaj hrupie i dziejańniach u intaresach zamiežnaj raźviedki suprać intaresaŭ Polščy.
Pakarańnie pa hetych abvinavačvańniach składaje da 10 hadoŭ źniavoleńnia.