Z art-studyjaj i interaktyŭnaj spartyŭnaj ścianoj. U Minsku adkryvajecca novy dziciačy sadok
Novy dziciačy sad №584 adkryvajecca ŭ Zavodskim rajonie 30 červienia. Dziaciej tam pačnuć prymać z 4 lipienia.
Fota: «Minsk-Naviny»
Sadok budzie na vulicy Mirkoŭskaha, 4. Jon raźličany na 210 dziaciej, jak raskazała ahienctvu «Minsk-Naviny» zahadčyca daškolnaj ustanovy Maryna Ščaviel. U budynka jarki fasad i abstalavanaja dvarovaja terytoryja: jość spartyŭnyja i hulniavyja placoŭki dla dziaciej roznych uzrostaŭ.
«Unutry va ŭstanovie znachodzicca basiejn. U nas adkryvajecca svoj kampjutarny kłas i art-studyja. Razynačka sada — interaktyŭnaja ściana ŭ spartyŭnaj zale. Taksama budzie pracavać kabiniet psichołaha», — raskazvaje Ščaviel.
Pa słovach zahadčycy, novaja ŭstanova daškolnaj adukacyi vielmi zapatrabavanaja. Pobač — žyły kompleks «Małaja radzima», dzie pražyvaje šmat šmatdzietnych siemjaŭ.
Užo 4 lipienia sadok pačnie prymać dziaciej.