U Rasii VNU rekamiendavali naličvać pa 10 dadatkovych bałaŭ udzielnikam vajny va Ukrainie
Ministerstva adukacyi i navuki Rasii rekamiendavała VNU naličvać pa 10 dadatkovych bałaŭ udzielnikam vajny va Ukrainie. Pra heta havorycca ŭ mietadyčnych rekamiendacyjach pa pryjomie na navučańnie pa prahramach bakałaŭryjatu i na śpiecyjalista, jak paviedamlaje telekanał «Dožd́».
Razbureńni ŭ Charkavie ŭ vyniku rasijskich abstrełaŭ. Fota: AP
Da «indyvidualnych dasiahnieńniaŭ», za jakija naličvajucca dadatkovyja bały pry pastupleńni, adnosiacca vajskovaja słužba pa pryzyvie i pa kantrakcie, vajskovaja słužba pa mabilizacyi, a taksama ŭdzieł u dobraachvotnickich atradach, jakija vykonvali zadačy ŭ chodzie vajny va Ukrainie.
U minułym hodzie Minadukacyi i navuki dało dzieciam udzielnikaŭ vajny prava pastupać u VNU pa śpiecyjalnaj kvocie ŭ 10% ad ahulnaj kolkaści miescaŭ dla abituryjentaŭ prahram bakałaŭryjatu i na śpiecyjalista.
U studzieni 2023 hoda rasijskaje Ministerstva prapanavała raspaŭsiudzić ilhotnaje pastupleńnie ŭ VNU na dziaciej mabilizavanych i dobraachvotnikaŭ.