Makron pakinuŭ samit ES praź biesparadki ŭ Francyi
Francuzski prezident skasavaŭ pres-kanfierencyju pavodle vynikaŭ samitu Jeŭrasajuza ŭ Brusieli i pakinuŭ sustreču.
Emanuel Makron. Fota: Yves Herman / AP
Jon uznačaliŭ ekstrannuju sustreču ŭrada, jakaja pačałasia ŭ 14:00 pa minskim časie.
U Francyi niekalki načej bušujuć biesparadki ŭ suviazi z hibiellu 17-hadovaha junaka arabskaha pachodžańnia ŭ pryharadzie Paryža. Jaho zastrelili palicejskija.
Za minułuju noč u chodzie sutyknieńniaŭ paciarpieli 249 palicejskich, aryštavanyja nie mienš za 667 čałaviek pa ŭsioj krainie. U mnohich haradach pratestoŭcy rabavali kramy i palili aŭtamabili.
Premjer-ministr Elizabet Born nie vyklučyła ŭviadzieńnia ŭ krainie nadzvyčajnaha stanovišča.