Dzie ŭ Minsku zabaroniać parkavać aŭtamabil 3 lipienia
Ruch transpartu, a taksama pracu stajanak i parkovak na pr. Pieramožcaŭ časova abmiažujuć 3 lipienia. Niekatoryja zabarony pačnuć dziejničać užo z 8-j ranicy.
Fota: «Naša Niva»
«Z 8:00 3 lipienia nie budzie funkcyjanavać prypynačnaja placoŭka ŭ zonie Pałaca sportu, na pr. Pieramožcaŭ u napramku ad vuł. Lenina da vuł. Mielnikajcie, — rastłumačyŭ pradstaŭnik DAI Dzianis Livanovič. — Hramadski transpart budzie prajazdžać mima.
Z 16:00 budzie abmiežavany ruch usich vidaŭ transpartu pa pr. Pieramožcaŭ ad vuł. Sapioraŭ da vuł. Mielnikajcie i pa pr. Mašerava ad vuł. Cimirazieva da vuł. Daŭmana ŭ dvuch kirunkach.
Padčas praviadzieńnia śviatočnych mierapryjemstvaŭ budzie abmiežavany prypynak i stajanka transpartnych srodkaŭ, u tym liku asabistaha transpartu na ŭčastku pr. Pieramožcaŭ ad vuł. Zasłaŭskaj da pr. Mašerava, pa miascovym prajeździe ŭ rajonie haścinicy «Płanieta», u zavułku Kanatnym, na parkoŭcy, raźmieščanaj na pr. Pieramožcaŭ pa kirunku ad vuł. Hvardziejskaj da vuł. Ihnacienki, a taksama pa vuł. Staražoŭskaj, Staravilenskaj, Navavilenskaj i Ałaizy Paškievič. Heta źviazana z prajezdam bujnahabarytnaj techniki, jakaja ŭdzielničaje ŭ arhanizacyi mierapryjemstvaŭ».