Minabarony Rasii paviedamiła pra piać źbitych bieśpiłotnikaŭ pad Maskvoj
Rasijskaje viedamstva abvinavaciła ŭ atacy Kijeŭ.
Rasijskaje Ministerstva abarony zajaviła, što nibyta Ukraina atakavała Maskoŭskuju vobłaść 5 bieśpiłotnikami, ale nibyta ŭsich ich źbili.
«Siońnia ranicaj spynienaja sproba kijeŭskaha režymu ažyćciavić terarystyčnuju ataku piaćciu bieśpiłotnymi latalnymi aparatami pa abjektach na terytoryi Maskoŭskaj vobłaści i Novaj Maskvy».
Paviedamlajecca, što nibyta 4 «ukrainskija BPŁA» na terytoryi Novaj Maskvy źniščyli srodkami SPA.
A jašče adzin BPŁA nibyta byŭ padaŭleny srodkami radyjoelektronnaj baraćby i paciarpieŭ krušeńnie na terytoryi Adzincoŭskaha rajona Maskoŭskaj vobłaści.
U Minabarony RF zapeŭnivajuć, što paciarpiełych i razbureńniaŭ niama.
Adnak Shot paviedamlaŭ pra pažar u vioscy Kryvašeina ŭ Novaj Maskvie ŭ vyniku padzieńnia bieśpiłotnika.