Na ŭračystaściach u Budsłavie adbyłosia hašeńnie jubilejnaj marki
1 lipienia pierad śviatoj imšoj sioletniaha festu ŭ Budsłavie adbyłosia śpiecyjalnaje pamiatnaje hašeńnie admysłovaj marki, vypuščanaj u abaračeńnie Minsuviazi da 25-hodździa karanacyi abraza Maci Božaj Budsłaŭskaj, jak paviedamlaje Catholic.by.
Fota: Catholic.by
Hašeńnie adbyvałasia na vačach tysiač udzielnikaŭ uračystaści na palavym ałtary, dzie byli padrychtavanyja čatyry aformlenyja ŭ ramki kanvierty z markami, dyzajn jakich raspracavała Alena Miadźviedź. Pieršym štempiel na adnym ź ich pastaviŭ staršynia Minskaha abłvykankama Alaksandr Turčyn.
Hašeńnie druhoha kanvierta ździejśniŭ prefiekt dykasteryi pa spravach Uschodnich Kaściołaŭ arcybiskup Kłaŭdya Hudžeroci, Śpiecyjalny pasłańnik Papy Franciška na jubilejnych uračystaściach u Budsłavie.
Štampy na dźviuch astatnich markach pastavili Mitrapalit Minska-Mahiloŭski arcybiskup Juzaf Stanieŭski i dyrektar RUP «Biełpošta» Śviatłana Jurkievič, paśla čaho ŭdzielniki hašeńnia raśpisalisia na ŭsich čatyroch praštampavanych kanviertach.
Fota: Catholic.by
Fota: Catholic.by
Čytajcie taksama:
Ułady paabiacali Hudžeroci dapamahčy ŭ adnaŭleńni kaścioła ŭ Budsłavie