«Minsk Kryštal» sudzicca z rasijanami za tavarnyja znaki
Rasijski dystrybjutar «MKR» sprabuje ŭ rasijskim sudzie źniać pravavuju abaronu z tavarnych znakaŭ «Tuman» i «Biełakamiennaja». Jak daviedaŭsia Office Life, dla hetaha «MKR» u červieni źviarnuŭsia ŭ sud pa intelektualnych pravach.
Neg.by
Sud pryniaŭ u vytvorčaść dźvie zajavy i pryznačyŭ papiarednija słuchańni na žnivień hetaha hoda.
Pavodle adnoj ź ich, «MKR» nastojvaje na daterminovym spynieńni pravavoj achovy tavarnaha znaka «Tuman» z pryčyny jaho nievykarystańnia. Vyklučnym pravam na jaho da siaredziny 2026 hoda vałodaje kiprskaja kampanija M. D. V. F. — Media Desigh Vital Fashion.
U druhim pazovie da rasijskaj kampanii «Inžynirynh» dačka AAT «Minsk Kryštal» prosić sud pastupić hetak ža ŭ dačynieńni da handlovaha znaka «Biełakamiennaja». Pravy na jaho dziejničajuć da siaredziny 2032-ha.
U ciapierašnim partfieli AAT «Minsk Kryštal» prysutničaje adzin brend, suhučny z zajaŭlenymi ŭ pazovach, — Tumany. Na zapyt Office Life ab pryčynach zvarotu ŭ sud u «MKR» nie adkazali.