U Tbilisi aktyvisty sarvali ŁHBT-fiestyval. Na placoŭcy mierapryjemstva pačalisia pahromy
Kala 300 prychilnikaŭ kansiervatyŭnaha ruchu Alt-Info i inšych pravych partyj Hruzii, prarvaŭšy ačapleńnie palicyi, prajšli maršam da voziera Lisi, dzie pavinna było adbycca mierapryjemstva.
Paper Kartuli
U Tbilisi hrupa kansiervatyŭnych aktyvistaŭ sarvała Tbilisi Pride Festival za hadzinu da pačatku mierapryjemstva. Pra heta paviedamlaje telekanał «Dožd́» sa spasyłkaj na Paper Kartuli.
Jak piša vydańnie, kala 300 prychilnikaŭ kansiervatyŭnaha ruchu Alt-Info i inšych pravych partyj Hruzii, prarvaŭšy ačapleńnie palicyi, prajšli maršam da voziera Lisi, dzie pavinna było adbycca mierapryjemstva. Paśla hetaha pratestoŭcy złamali kalučy drot, jakim aharodžvałasia placoŭka ŁHBT-fiestyvalu, i pačali pahrom.
Paper Kartuli
«Aktyvisty hramiać scenu, instalacyju, bar, rvuć płakaty i partrety. Z padranych ściahoŭ pierad scenaj robiać vohnišča. Natoŭp radujecca: jany sarvali fiestyval. Na scenie palicyja, ale jana ničoha nie kantraluje», — pieradaje žurnalist Paper Kartuli ź miesca padziej.
Paper Kartuli
Arhanizatary fiestyvalu paviedamili ŭ sacyjalnych sietkach, što ich evakujujuć ź miesca praviadzieńnia mierapryjemstva. Jany zaklikali ŭdzielnikaŭ nie pryjazdžać na fiestyval. «Ministerstva ŭnutranych spraŭ nie zmahło zabiaśpiečyć biaśpieku fiestyvalu», — havorycca ŭ zajavie arhanizataraŭ.
Paper Kartuli
Čytajcie taksama: