Za «zdradu dziaržavie» buduć sudzić mužčynu, žanataha z ukrainkaj, jakoha katavali pry zatrymańni
Palitviaźnia Jarasłava Sakoviča ŭžo asudzili pa adnoj kryminalnaj spravie. Paviedamlałasia, što supracoŭniki KDB katavali jaho, kab vybić pryznańni, paviedamlaje «Viasna».
Jarasłaŭ Sakovič raniej žyŭ va Ukrainie, adnak viarnuŭsia ŭ Biełaruś u 2021 hodzie praz chvorych baćkoŭ. Viadoma, što jon žanaty z ukrainkaj.
Pa viartańni ŭ Biełaruś mužčynu zatrymali supracoŭniki KDB. Paviedamlałasia, što jaho katavali ŭsiu noč, kab vybić pryznańnie ŭ tym, što raniej jon vajavaŭ na baku Ukrainy. Siłaviki telefanavali jahonaj žoncy i abiacali vysłać jahonuju hałavu. Paśla hetaha Jarasłava adpuścili, ale praz hod, 5 žniŭnia 2022 hoda, jaho znoŭ zatrymali ŭ miežach kryminalnaj spravy.
Jaho abvinavacili pavodle dvuch artykułaŭ Kryminalnaha kodeksa: art. 295 (Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ), art. 370 (Ździek ź dziaržaŭnych simvałaŭ).
U Minsku 4 maja jaho asudzili da dvuch hadoŭ pazbaŭleńnia voli.
Ciapier stała viadoma, što ŭ žniŭni Jarasłava znoŭ buduć sudzić. Hetym razam jaho abvinavačvajuć pavodle art. 356 Kryminalnaha kodeksa (zdrada dziaržavie). Pavodle śledstva, jon pieradavaŭ danyja USU Ukrainy. Sud nad mužčynam raspačniecca 7 žniŭnia ŭ Minskim haradskim sudzie. Spravu budzie razhladać sudździa Anastasija Papko.