«Strachavaja kampanija vystupiła suprać». Prezident Konha paskardziŭsia, što pryjšłosia mianiać samalot, kab dalacieć da Pucina
Prezident Respubliki Konha Deni Sasu-Nhiesa na sustrečy z Uładzimiram Pucinym paskardziŭsia na składanaści z samalotam na šlachu da forumu Rasija — Afryka.
Prezident Respubliki Konha Deni Sasu-Nhiesa i prezident Rasii Uładzimir Pucin pierad aficyjnaj cyrymonijaj pryvitańnia lidaraŭ delehacyj na samicie Rasija — Afryka ŭ Sankt-Pieciarburhu, 27 lipienia 2023 hoda. Fota: Sergei Bobylev/TASS Host Photo Agency Pool Photo via AP
Forum prachodziŭ 27-28 lipienia ŭ Sankt-Pieciarburhu.
«Mnohija siły pracavali, kab pieraškodzić pośpiechu hetaha samitu. Navat my sutyknulisia ź vializnymi składanaściami, kab dabracca siudy. Samalot, jaki my arandavali, byŭ pieranakiravany ŭ Dubaj, pakolki strachavaja kampanija vystupiła suprać prybyćcia hetaha samalota siudy. U Dubai nam daviałosia ŭziać u arendu inšy samalot. Heta było niaprosta. Ja viedaju, što inšyja delehacyi taksama sutyknulisia sa składanaściami, naprykład, z prablemami z dazvołami na pralot nad niekatorymi krainami», — pryvodzić słovy prezident Respubliki Konha TASS.
Raniej paviedamlałasia, što na hety forum nie pajechali dźvie traciny afrykanskich lidaraŭ.
Lidaraŭ afrykanskich krain na sioletnim forumie ŭdvaja mienš, čym na anałahičnym forumie 2019 hoda, dzie na najvyšejšym uzroŭni byli pradstaŭleny 45 afrykanskich krain. Pry hetym piać dziaržaŭ admovilisia ad udziełu ŭ samicie całkam, a pałova delehavała na jaho čynoŭnikaŭ druhoha ranhu: z 17-ci krain pryjechali vice-premjery i ministry, a jašče ź piaci — prosta pasły.
Čytajcie taksama:
Da Pucina nie pajechali dźvie traciny afrykanskich lidaraŭ, Kreml vinavacić Amieryku