Žychara Žłobina asudzili na dva hady «chimii» za ŭdzieł u akcyi pratestu ŭ 2020 hodzie
U Žłobinie — čarhovy asudžany za ŭdzieł u akcyjach pratestu ŭ žniŭni 2020 hoda. Hetym razam sudździa Śviatłana Rubachava adpraviła na «chimiju» 24 hadovaha Dzianisa Huzava.
Dzianisa abvinavacili pavodle č. 1 art. 342 Kryminalnaha kodeksa za arhanizacyju i padrychtoŭku dziejańniaŭ, jakija hruba parušyli hramadski paradak, albo aktyŭnym udziele ŭ ich. Da suda jon znachodziŭsia na voli, pad asabistaj parukaj, piša «Viasna».
Pavodle abvinavačańnia, Huzaŭ u noč na 10 žniŭnia 2020 hoda razam ź inšymi asobami aktyŭna parušaŭ hramadski paradak, niepadparadkoŭvaŭsia patrabavańniam supracoŭnikaŭ milicyi, vychodziŭ na prajeznuju častku vulic, zaminaŭ pracy hramadskaha transpartu.
Sudovy praces prachodziŭ jašče 27 krasavika. Huzava pryznali vinavatym i pryznačyli pakarańnie ŭ vyhladzie abmiežavańnia voli z nakiravańniem va ŭstanovu adkrytaha typu terminam na dva hady.
Apielacyjnaja skarha na prysud była razhledžanaja Homielskim abłasnym sudom 16 červienia i zastałasia biez zadavalnieńnia. A 30 červienia jahonaje proźvišča było ŭniesienaje ŭ pieralik hramadzian Biełarusi, zamiežnych hramadzian i asob biez hramadzianstva, jakija majuć dačynieńnie da ekstremisckaj dziejnaści.
Čytajcie taksama:
Jašče 14 čałaviek pryznali palitviaźniami
Palitźniavolenuju Alenu Hnaŭk pieraviali ŭ žanočuju kałoniju ŭ Zareččy