U Minsku pačynajuć sudzić śpiavačku Patrycyju Śvicinu. Jana admoviłasia ad łukašenkaŭskaj stypiendyi
U sudzie Centralnaha rajona Minska pačynajuć sudzić śpiavačku Patrycyju Śvicinu. Jaje abvinavačvajuć pavodle «narodnaha» artykuła 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak). Spravu budzie razhladać sudździa Viktoryja Šabunia, paviedamlajuć pravaabaroncy.
Patrycyja Śvicina
Videa ź dziaŭčynaj źjaviłasia 18 maja. Na im dziaŭčyna raskazvała, što «ŭdzielničała ŭ pratestach», «vychodziła na darohi» i ŭ składzie kałony «pierakryvała ruch transpartu».
Taksama jana kazała, što publikavała ŭ sacsietkach «niehatyŭnyja paviedamleńni» pra siłavikoŭ, ab «śpiecapieracyi, jakaja pravodzicca na terytoryi Ukrainy» i «raspalvała varožaść i nianaviść pamiž słavianskimi narodami».
Patrycyja — śpiavačka, jakaja źjaŭlałasia łaŭreatkaj stypiendyi Łukašenki pa padtrymcy talenavitaj moładzi, ale admoviłasia ad jaje.