Za «raspaŭsiud ekstremizmu» aštrafavali žycharku Tałačynskaha rajona
Sudździa suda Tałačynskaha rajona Alesia Sajan 21 lipienia za raspaŭsiud «ekstremisckich» materyjałaŭ u sacyjalnaj sietcy pakarała štrafam u pamiery 1110 rubloŭ miascovuju žycharku, maci dvaich dziaciej Nastu Ivanovu, daviedałasia «Viciebskaja viasna».
U sudzie miascovyja rabotniki milicyi pakazali dokazy taho, što Nasta Ivanova z 2018-ha pa 6 lipienia 2023 hoda ŭ sacyjalnaj sietcy «Adnakłaśniki» zachoŭvała i raspaŭsiudžvała infarmacyjnuju pradukcyju — internet-staronku z nazvaj Symbalby, uklučanuju ŭ respublikanski śpis «ekstremisckich materyjałaŭ».
I choć «parušalnica» nie pryznała viny, sudździa Sajan pastanaviła na padstavie č. 2 art. 19.11 KaAP pakarać jaje štrafam u dachod dziaržavy ŭ pamiery 30 bazavych vieličyń z kanfiskacyjaj «pradmieta administracyjnaha pravaparušeńnia i srodku ŭčynieńnia pravaparušeńnia» — mabilnaha telefona.
Čytajcie taksama:
Baćku traich niepaŭnaletnich dziaciej z Bresta asudzili za abrazy Łukašenki i čynoŭnikaŭ